السلام عليكم انا طالبة طب اسنان سنة تانية ادرس في تركيا الموضوع الي جدًا بحبو وبشوف حالي فيه للاسف ما نجحت ادخل الموضوع فبلدنا بسبب التضيقات الي بيعملوها عالطلاب لهيك قررت اسجل للتعليم في تركيا وبفضل من الله وتعب وسهر ليالي ومجهود قدرت اكسب مقعد بافضل الجامعات التركية في المواضيع الطبية .لما اجاني خبر النجاح في الاختبار فرحت كثير والخبر فرح اهلي واصدقائي . لكن بسبب القسط كنت متردده كثير وبعد ما تحاورت مع والدي حفظه الله حكالي جملة الى الان بترن في آذاني "يابا طالب العلم ربنا والملائكة بتحبه ومصاري التعليم بتتيسر باذن الله انت متضيعيش الفرصة الي اجتلك وانا رح ادعمك بكلشي حتى لو اضطريت اكل خبز وزيتون كل يوم "القسط جدًا كبير بصراحة كثير بحس اني عبئ على اهلي مع العلم اني سنة تانية الان ومتفوقة الا اني كثير بفكر اني اترك التعليم الي بحبو واختار موضوع اقل تكاليف علي وعلى اهلي . والدي ووالدتي بيشتغلو ليل مع نهار بس مشان يعلمونا للعلم انا واختي رقم 2 بندرس في الجامعة واختي رقم 3 متخرجة من الثانوية وعلى ابواب الدخول الى الجامعة .**اتمنى ان يقبل طلبي وان تشاركو اهلي الاجر في تعليمنا بصراحة ما رح تندمو ابدا لانه انا بشوف الموضوع كانه استثمار بشبان وشابات امتنا ان شاء الله بيوم من الايام رح نتخرج ورح نرفع راس اهلنا وامتنا الاسلامية بنظري نحن (الشباب ) من ركائز الامة الاسلامية ونحن باذن الله بنجاحنا ووعينا حنكون اساس الانماء والتطور فيها وبيوم من الايام رح اكون او نكون بمكان الي نقدر نستثمر كمان متلكم باجيال امتنا الصاعدة ورح نكون بمثابة حلقة متواصلة تساهم في تنمية مجتمعنا الاسلامي وحل مشكلاته في اطار الشريعة الاسلامية السمحة ومن خلال التواصل المجتمعي وتاهيل الشباب لرفع راية الاسلام والمجتمع الاسلامي